Enillwyr Gwobrau Bionet 2022

Nod y gwobrau Bionet yw ddathlu gwaith pobl leol, cymunedau, sefydliadau a busnesau yng Ngogledd Ddwyrain Cymru i gadw, gwarchod a gwella bioamrywiaeth.

Mae Bionet yn credu ei bod yn bwysig dathlu’r llwyddiannau a gyflawnwyd dros fioamrywiaeth. Yng ngoleuni’r argyfwng ecolegol, mae llawer o’r newyddion rydym yn ei glywed yn negyddol, ond mae llawer o bobl yn cael effaith bositif drwy gamau gweithredu lleol.

Rhennir y gwobrau yn 7 categori i ddangos sut y gall camau gweithredu gwahanol gael effaith bositif ar fioamrywiaeth mewn llawer o wahanol sectorau.

Hoffwn llongyfarch y enillwyr canlynol:

O ran ein Gwobr Grŵp Cymunedol, cawsom geisiadau ardderchog eleni. Cyflwynwyd y Wobr Grŵp Cymunedol i Gyfeillion Y Fach a Gerddi Haulfre.

Mae Cyfeillion Y Fach a Gerddi Haulfre wedi cydnabod yr angen am natur drwy gydol y tymhorau a llwyddo i reoli eu lle i gefnogi peillwyr pwysig drwy holl dymhorau’r flwyddyn. Mae coed, perllannau a gwinllannau wedi cael eu plannu i gefnogi storio carbon a’r angen am fwyd lleol. Yn ogystal â darparu gwestai pryfetach a chartrefi i bryfed hofran, fe sylweddolodd y grŵp ar bwysigrwydd hyrwyddo natur, ac maent wedi codi ymwybyddiaeth drwy’r wasg ar y teledu a’r radio. Yn ogystal, mae’r grŵp wedi creu taflenni a byrddau dehongli i gefnogi sut y gallwch helpu natur yn eich cartref.

Llongyfarchiadau i bob un o Gyfeillion Y Fach a Gerddi Haulfre, rydym yn edrych ymlaen yn arw at glywed am yr holl waith sydd wedi’i gynllunio ar gyfer y dyfodol.

Disgyblion a staff Ysgol Uwchradd Alun yw enillwyr ein Gwobr Ysgol Uwchradd eleni! Mae’r wobr hon yn hynod haeddiannol diolch i’w hymrwymiad i natur drwy greu llawer o gynefinoedd ar draws eu safle. Yn cynnwys gofalu am dros 400 o goed ffrwythau, gosod pwll, neilltuo ardal ar gyfer y cynllun ‘dim torri gwair’ a chreu coridorau bywyd gwyllt ar draws y safle cyfan. Mae eu gweithredoedd wedi arwain at gydnabyddiaeth ac maent wedi ennill statws ysgol eco platinwm.

Da iawn i’r disgyblion a’r staff ardderchog am yr holl waith a wnaed. Rydym yn edrych ymlaen at weld eich safle’n ffynnu.

2. Roeddem eisiau tynnu sylw at y gwaith rhagorol sydd wedi cael ei gyflawni gan ein Cynghorau Tref a Chymuned lleol, a sut maent wedi gwella mannau lleol er mwyn i bawb allu eu mwynhau. Rydym yn falch iawn o gyflwyno’r Wobr Cyngor Tref neu Gymuned Bionet i Gyngor Cymuned Llanbedr Dyffryn Clwyd.

Mae Cyngor Cymuned LlDC wedi llwyddo i gydnabod llawer o’r materion ecolegol a wynebir a mynd i’r afael â phethau. Trwy reoli eu trefn torri gwair a dilyn ymarfer ‘dim torri gwair’, plannu dros 1000 o blanhigion blodau gwyllt brodorol lleol yn yr ysgol leol a chael gwared ar goed gwael a marw i wneud lle ar gyfer natur newydd.
Mae eu gwaith hefyd wedi cael ei gydnabod ar raddfa ehangach ac maent wedi derbyn Statws Cyfeillgar i Wenyn gan Lywodraeth Cymru.

Llongyfarchiadau mawr i bawb a oedd yn rhan o’r gwaith rhagorol a gyflawnwyd gan Gyngor Cymuned Llanbedr Dyffryn Clwyd!